Maxfiylik siyosati | ShumDublaj

Eng muhimi qisqacha

ShumDublaj faqat siz tarjimani ishga tushirganingizda ishlaydi.

Biz ko‘rish tarixingizni, boshqa saytlardagi faoliyatingizni, YouTube akkauntingizni, cookie fayllaringizni yoki brauzerda saqlangan parollaringizni o‘qimaymiz.

Kengaytma tanlangan YouTube videosining identifikatori va subtitr matnini tarjima hamda ovoz sintezi uchun ShumDublaj serveriga yuboradi. Ma’lumot reklama uchun ishlatilmaydi va sotilmaydi.

Qanday ma’lumot yig‘iladi

Login va parol

Profilga kirish uchun kerak. Parol ochiq holda saqlanmaydi. Serverda faqat Argon2id orqali olingan kriptografik xesh saqlanadi.

Sessiya ma’lumoti

Web-sessiya brauzerda HttpOnly, Secure va SameSite=Strict cookie orqali ishlaydi. Kengaytma alohida sessiya tokenidan foydalanadi. Server ikkala holatda ham tokenning faqat SHA-256 xeshini saqlaydi.

Video identifikatori va subtitr

Siz tanlagan bitta videoni tarjima qilish va ovozlash uchun yuboriladi. Video tasviri, YouTube cookie fayllari va akkaunt ma’lumotlari olinmaydi.

Foydalanish yozuvi

Vazifa sanasi, profil, video identifikatori, davomiylik, gap va belgi soni kredit hisoblash, xarajat nazorati va xatolarni tekshirish uchun yoziladi.

Texnik jurnal

Server so‘rov vaqti, IP manzil va so‘rov turi kabi standart texnik ma’lumotni xavfsizlik va abusdan himoya uchun jurnalga yozishi mumkin.

Nima yig‘ilmaydi

Ko‘rish tarixi va boshqa saytlardagi faoliyat
Cookie fayllar, saqlangan parollar va avtomatik to‘ldirish ma’lumotlari
Sichqoncha harakati, klaviatura kiritmalari va reklama identifikatorlari
Joylashuv, telefon raqami va to‘lov kartasi ma’lumotlari
YouTube akkaunti va unga bog‘liq shaxsiy ma’lumotlar

Saqlash muddati

Ma’lumotMuddat

Profil va parol xeshiProfil o‘chirilguncha

Sessiya xeshi30 kun yoki chiqishgacha

Tayyor audio kesh60 kungacha

Texnik server jurnali6 haftagacha

Kredit va vazifa yozuviHisob-kitob va nizolar uchun zarur muddat

Brauzerda nima saqlanadi

Kengaytma chrome.storage.local ichida sessiya tokeni, ovoz balandligi sozlamalari va tugallanmagan vazifa identifikatorini saqlashi mumkin. Parol saqlanmaydi. Profildan chiqish sessiya tokenini o‘chiradi.

Saytdagi sessiya HttpOnly cookie orqali boshqariladi. Shu sababli sayt JavaScript kodi sessiya tokenini o‘qiy olmaydi.

Sizning huquqlaringiz

Telegram orqali quyidagilarni so‘rashingiz mumkin:

Profil va unga bog‘liq ma’lumotlarni ko‘rish yoki o‘chirish
Parolni almashtirish va barcha faol sessiyalarni bekor qilish
Kredit sarfi va bajarilgan vazifalar bo‘yicha ma’lumot olish
Noto‘g‘ri ma’lumotni tuzatish

Chrome Web Store User Data Policy

Limited Use talabi

ShumDublaj foydalanuvchi ma’lumotlaridan foydalanishda Chrome Web Store User Data Policy talablariga, jumladan Limited Use talablariga rioya qiladi.

Ma’lumot faqat kengaytmaning foydalanuvchiga ko‘rinadigan asosiy vazifasini bajarish, hisobni boshqarish, kreditni hisoblash, xavfsizlikni ta’minlash va xizmatni qo‘llab-quvvatlash uchun ishlatiladi.

Xavfsizlik va bolalar

Parollar Argon2id bilan xeshlanadi, sessiya tokenlari ochiq holda serverda saqlanmaydi, web-cookie JavaScript uchun yopiq va admin imkoniyatlari rol bilan cheklanadi. Internetdagi hech bir tizim mutlaq xavfsizlikni kafolatlay olmaydi, lekin biz oqilona texnik choralarni qo‘llaymiz.

Xizmat 13 yoshgacha bo‘lgan bolalarga mo‘ljallanmagan va ulardan ataylab ma’lumot yig‘maydi.

O‘zgarishlar

Siyosat o‘zgarsa, sahifaning yuqorisidagi sana yangilanadi. Ma’lumotdan foydalanishga jiddiy ta’sir qiladigan o‘zgarishlar haqida sayt yoki kengaytma orqali xabar beramiz.

Savolingiz bormi?

Ma’lumot, o‘chirish yoki xavfsizlik bo‘yicha so‘rovni Telegram orqali yuboring.

@asrorai ga yozish